මෙවර අපි කතා කරන්නට බලාපොරොත්තු වන්නේ කාන්තාවන්ටම සුවිශේෂි වූ ශරීර අභ්‍යන්තරයේ කරනු ලබන යෝනි මාර්ගයේ ස්‌කෑන් පරීක්‌ෂණය පිළිබඳවයි.
මෙම පරීක්‌ෂණයට සුදුසු වන්නේ ලිංගික සංසර්ගයේ යෙදුන කාන්තාවන් සහ විවාහක කාන්තාවන් යන දෙපිරිසයි. මෙහිදී සුළු උපකරණයක්‌ යෝනි මාර්ගය තුළින් ඇතුලු කර ගර්භාෂය, ඩිම්බ කෝෂ, පැලෝපිය නාල ඝ්‍රොaණියේ අනෙක්‌ අවයවවලට ඉතා කිට්‌ටුවෙන් ස්‌කෑන් පරීක්‌ෂාව සිදු කරනු ලබනවා. බඩ මතුපිටින් කරනු ලබන ස්‌කෑන් පරික්‌ෂාවන්ට වඩා මෙවන් ස්‌කෑන් පරීක්‌ෂණයකින් ගර්භාෂය, ඩිම්බකෝෂ, පැලෝපීය නාල සහ ඝ්‍රොණියේ අනෙක්‌ අවයව පිළිබඳ පැහැදිලි රූපයන් සහ හොඳ වැටහීමක්‌ මේ මගින් ලබාගත හැකියි. මෙය ඉතා වාසි සහගතයි. මෙම ස්‌කෑන් පරීක්‌ෂණය ගර්භනී අවස්‌ථාවේ මුල් කාලවලදී ඉතා වැදගත් වෙනවා.
ගර්භනී අවධියේ සති අටට පෙර ගර්භනී තත්ත්වය සොයා ගැනීම සඳහා සහ බොහෝ කාන්තා රෝග හඳුනාගැනීම සඳහා මෙවැනි ස්‌කෑන් පරීක්‌ෂාවන් අවශ්‍ය වෙනවා. මඳසරුභාවය ඇති දරුවන් නොලබන කාන්තාවන් සඳහා, නිතර නිතර මුත්‍රාශයෙන් මුත්‍ර පහවීම පිළිබඳ ප්‍රශ්න තිබෙන කාන්තාවන් සඳහාත් මෙම ස්‌කෑන් පරීක්‌ෂණවලට යොමුවීම ඉතාම සුදුසුයි.
ගර්භනී තත්ත්වයේදී සති පහකට පසුව මෙවන් ස්‌කෑන් පරීක්‌ෂණ මගින් ගර්භනී තත්ත්වයේ ඇතිවන දෝෂ ඉතාම මූලික අවස්‌ථාවේදී හඳුනාගන්න පුළුවනි. සති හය, හත, අට වනවිට ඇති වන කලලය යෝනි මාර්ගය හරහා කරන ස්‌කෑන් පරීක්‌ෂාවේදී හොඳින් බලා ගැනීමට පුළුවනි.
කාන්තා රෝග ලෙස හඳුන්වන පැලෝපීය නාලයේ ගර්භනී තත්ත්වය ගත්විට ඒවා ද මෙවන් ස්‌කෑන් පරීක්‌ෂණ හරහා සොයා ගන්නට පුළුවනි. මෙවන් අවස්‌ථාවල ගර්භාෂය තුළ ගර්භනිභාවයේ කිසිඳු ලක්‌ෂණයක්‌ නොපෙන්වා පැලෝපිය නාලවල අධික ලේ වහනයක්‌ හෝ එය අවට ගෙඩියක ස්‌වරූපයක්‌ ගැනීමෙන් පැලෝපිය නාලයේ ගර්භනී තත්ත්වයක්‌ ඇතැයි සැක කරන්නට පුළුවනි. ඒත් එක්‌කම මඳසරු භාවය ඇති කාන්තාවගේ ගර්භාෂයේ විවිධ විෂමතාවයන්, ගෙඩි වර්ග, ඩිම්බ කෝෂයේ ඩිම්බ මේරිම හෙවත් ඕවේරියන් පොලිකල් ඩිවලොප්මන්ට්‌ ලෙස හඳුන්වන තත්ත්වයන් පවා මෙම ස්‌කෑන් පරීක්‌ෂණය හරහා පැහැදිලිව හඳුනා ගැනීමට හැකි වෙනවා. මඳසරුභාවය සඳහා කරනු ලබන ප්‍රතිකාරවලදී විශේෂයෙන් ඩිම්බ නිෂ්පාදනය වන ආකාරය අනුව ශුක්‍රාණු තැන්පත් කිරීම, නලදරු උපත් සඳහා ඩිම්බ ලබාගැනීමටත් මෙවන් පරීක්‌ෂණයන් උපයෝගී කර ගැනීමේ හැකියාව තියෙනවා.
යම්කිසි කාන්තාවකට අධිකව රුධිර වහනයක්‌ වෙනවා නම් ඇයට ෆයිබ්‍රොයිඩ වැනි ගෙඩි, මස්‌වැදලි තිබේදැයි හඳුනා ගැනීමටත් මෙවන් ස්‌කෑන් පරීක්‌ෂාවන් ඉවහල් වෙනවා.
ඒ වාගේම කිවිසුම් යනවිට, සිනහසෙනවිට, පඩිපෙළක්‌ නගිනවිට මුත්‍ර පහවන කාන්තාවන්ට මෙන්ම මුත්‍රාපහවීම නිසි පරිදි සිදු නොවන කාන්තාවන්ට මෙවැනි ස්‌කෑන් පරීක්‌ෂාවකට යොමුවීමෙන් මුත්‍රාශයේ අභ්‍යන්තරය පිළිබඳව අවබෝධයක්‌ ලබා ගන්නට පුළුවනි. ඒ වගේම අනෙක්‌ කාන්තා අවයවවල විෂමතාවයන්ද හඳුනාගැනීමට මෙම පරීක්‌ෂණය හරහා හැකි වෙනවා.
මුලින්ම මෙවන් ස්‌කෑන් පරීක්‌ෂණ හඳුන්වාදීමේදී කාන්තාවන් බියක්‌ ඇති කරගත්ත ද අද කාන්තාවන් බොහෝ දෙනෙක්‌ තමන්ගේ රෝග හඳුනා ගන්න ස්‌කෑන් පරීක්‌ෂණවලට යොමුවීමක්‌ කරනවා. මෙම ස්‌කෑන් පරීක්‌ෂණවල කිසිදු වේදනාවක්‌ ඇති නොවේ. මේවායේදී නිසි සෞඛ්‍ය සංරක්‌ෂණ ක්‍රමවේදය අනුගමනය කරනවා නම් ලෙඩ රෝග බෝවේයෑයි බියවීමට හේතුවක්‌ නැහැ. බොහෝ කාන්තා රෝගවලට ස්‌කෑන් පරීක්‌ෂණ හරහා හෙළිවන දේ ප්‍රතිකාරවලට යොමුවීම පහසු වෙනවා.(News- Nawaliya)
Subscribe to:
Post Comments (Atom)
No comments:
Post a Comment