අතුරුගිරිය ගල්වලවත්ත ප්‍රදේශයේදී සැකපිට අත්අඩංගුවට ගත් පුද්ගලයකුගෙන් අනාවරණය කරගත් කරුණු ඔස්‌සේ කිලෝග්‍රෑම් 43 ක්‌ බරැති කාලතුවක්‌කු උණ්‌ඩයක්‌ ඊයේ (3 වැනිදා) කොට්‌ටාව පොලිස්‌ වසමට අයත් හබන්හේනවත්තේ ගල්වළක තිබියදී සොයාගත් බව අතුරුගිරිය පොලිසිය පවසයි.
මෙම කාලතුවක්‌කු උණ්‌ඩය තමා එම ගල්වළේ තිබී දැක පසුව එය ගෙන අතුරුගිරිය වල්ගම ප්‍රදේශයේ පරණ යකඩ බඩු කඩයකට අලෙවි කිරීමට රැගෙන ගිය බවත් එය එම වෙළෙඳසල් හිමියා ප්‍රතික්‍ෂේප කිරීම නිසා නැවතත් ගල්වළටම රැගෙනවිත් දැමූ බවත් පොලිසියට ප්‍රකාශ කර තිබේ.
දැනට පොලිසිය කර ඇති විමර්ශනවලට අනුව එම කාලතුවක්‌කු උණ්‌ඩය මෙරට ආරක්‍ෂක අංශ පරිහරණය කරනු ලැබූ උණ්‌ඩයක්‌ බවත් එම කාලතුවක්‌කු උණ්‌ඩය වසර විස්‌සක්‌ පැරැණි උණ්‌ඩයක්‌ බවත් හෙළිවී ඇත.
අත්අඩංගුවට පත් සැකකරුගේ ප්‍රකාශ සත්‍යද යන්න සම්බන්ධයෙන් පොලිසිය පරීක්‍ෂණ පවත්වයි.
මෙම කාලතුවක්‌කු උණ්‌ඩය ගල්වළට ආවේ කෙසේද? එය රැගෙන ආවේ කව්ද කිසිවකු යම් අපරාධයකට මෙම උණ්‌ඩය ගල්වළට දැමුවේද? යන්න සම්බන්ධයෙන් පොලිසිය පැති කීපයක්‌ ඔස්‌සේ පරීක්‍ෂණ සිදුකරයි.
ගල්වළේ තිබූ කාලතුවක්‌කු උණ්‌ඩය බැකෝ යන්ත්‍රයක ආධාරයෙන් ගොඩට ගත් බවද පොලිසිය කියයි.
මේ පිළිබඳව අතුරුගිරිය පොලිසියේ ස්‌ථානාධිපති පොලිස්‌ පරීක්‍ෂක අනිල් ජයන්ත මහතාගේ උපදෙස්‌ මත පොලිස්‌ කොස්‌තාපල් රංජිත් (320) ඇතුළු බලධාරීන් වැඩිදුර පරීක්‍ෂණ පවත්වයි. (Divaina)
Subscribe to:
Post Comments (Atom)
No comments:
Post a Comment