Monday, September 6, 2010
8 වනදා ඡන්දය ගැන මෛත්‍රිපාල කියයි - දැනටමත් 160කට වඩා සංශෝධනයට පක්‌ෂයි
එක්‌සත් ජාතික පක්‍ෂයේ තවත් මන්ත්‍රීවරුන් රැසක්‌ දහඅටවැනි ව්‍යවස්‌ථා සංශෝධනයට කැමැත්ත පළකර ඇතැයි ද ඒ අනුව ඉදිරි පැය හතළිස්‌ අට තුළදී ව්‍යවස්‌ථා සංශෝධනයට පක්‍ෂ මන්ත්‍රීන් සංඛ්‍යාව අනිවාර්යයෙන්ම එකසිය හැට ඉක්‌මවන බවද ශ්‍රී ලංකා නිදහස්‌ පක්‍ෂයේ ලේකම් මෛත්‍රිපාල සිරිසේන මහතා "දිවයින"ට ඊයේ (05 දා) ප්‍රකාශ කළේය. ව්‍යවස්‌ථා සංශෝධනයට පක්‍ෂව මේ වන විටත් මන්ත්‍රීවරුන් එකසිය හැටදෙනකු සිටින බව කී මෛත්‍රිපාල සිරිසේන මහතා එම සංඛ්‍යාව ඉදිරි පැය කීපය තුළදී තවත් වැඩිවනු ඇතැයි ද කීය. එක්‌සත් ජාතික පක්‍ෂය සහ ජනතා විමුක්‌ති පෙරමුණ ව්‍යවස්‌ථා සංශෝධනයට විරුද්ධව පෝස්‌ටර් ඇලවීමෙන් සහ උද්ඝෝෂණය කිරීමෙන් ඵලක්‌ නොවන බවද කී හෙතෙම මෙම 08 වැනිදා අනිවාර්යයෙන්ම මන්ත්‍රීවරුන්ගේ වැඩි බහුතරයකින් 18 වැනි ව්‍යවස්‌ථා සංශෝධනය අනුමත වන බවද කීය.
Subscribe to:
Post Comments (Atom)
No comments:
Post a Comment