ව්‍යවස්‌ථා සංශෝධනයට පක්‍ෂව පාර්ලිමේන්තුවේදී ඡන්දය ලබා නොදෙන්නැයි ජනතා විමුක්‌ති පෙරමුණේ ප්‍රධාන ලේකම් ටිල්වින් සිල්වා මහතා ඊයේ (02 දා) ආණ්‌ඩු පක්‍ෂයේ මන්ත්‍රීවරුන්ගෙන් ඉල්ලීමක්‌ කළේය.
ආණ්‌ඩුක්‍රම ව්‍යවස්‌ථා සංශෝධනයට එරෙහිව ජනතාව දැනුවත් කිරීම සඳහා කොළඹ කොටුව දුම්රිය ස්‌ථානය ඉදිරිපිටදී "අත්පත්‍රිකා" බෙදා හැරීමේ වැඩසටහනට සහභාගිවූ ටිල්වින් සිල්වා මහතා මෙසේද කීය.
ප්‍රජාතන්ත්‍රවාදය අගයන කිසිම කෙනෙක්‌ මේ ව්‍යවස්‌ථා සංශෝධනයට කැමති වන්නේ නැහැ. මේ සංශෝධනයෙන් හානි වන්නේ පෞද්ගලිකවම ජනතා විමුක්‌ති පෙරමුණට නොවේ මුළු රටටමයි. රටේ ජනතාවටයි. ඒ නිසායි අප ඉල්ලා සිටින්නේ මේ තක්‌කඩි ක්‍රියාවට හවුල් වන්න එපා කියලා. මේ ව්‍යවස්‌ථා සංශෝධනය තුනෙන් දෙකක බලයෙන් සම්මත වුණොත් ශ්‍රී ලංකා නිදහස්‌ පක්‍ෂයේ ජ්‍යෙෂ්ඨයන්ටත් බලපානවා. කිසිම දිනක ඒ පක්‍ෂයේ වෙනත් කෙනෙකුට රටේ ජනාධිපති තනතුරට පත්වන්න ලැබෙන්නේ නැහැ. දිගටම මහින්ද රාජපක්‍ෂ මහතා ජනාධිපති තනතුර දරාවි.(Divaina)
Subscribe to:
Post Comments (Atom)
No comments:
Post a Comment