ආණ්ඩුව ඉදිරිපත් කර ඇති ව්යවස්ථා සංශෝධනයෙහි විපක්ෂය කියන ආකාරයේ කිසිම භයානක කමක් නොමැති බව ජනාධිපති මහින්ද රාජපක්ෂ මහතා පැවසීය. ජනාධිපති ධුර කාලය දික්කර ගැනීමට මෙම සංශෝධන මගින් සිදුවන බවට කරන ප්රකාශ සම්පූර්ණයෙන්ම බොරුවක් යෑයි ද මේ තුළින් සිදුවන්නේ ජනාධිපතිවරයා නැවත පත් කරගැනීමට ජනතාවට තීන්දු කිරීමට අවස්ථාව ලබාදීම යෑයි ද ඊයේ (02) අරලියගහ මන්දිරයේ පැවැති ශ්රී ලංකා නිදහස් පක්ෂයේ 59 වැනි සමුළුව අමතමින් පැවසීය.
17 වැනි සංශෝධනය යටතේ පාර්ලිමේන්තුවෙන් පිටත තිබූ ව්යවස්ථාදායක සභාව නැවත පාර්ලිමේන්තුවට ගැනීම නව සංශෝධනයෙන් යෝජනා කර ඇති බවත් කී ජනාධිපතිවරයා මේ සඳහා පාර්ලිමේන්තුව නියෝජනය කරන විවිධ ජාතීන්ට ද සාමාජිකයන් නම් කිරීමේ අවස්ථාව හිමිවන බවද කීය.
බෙදී වෙන්වී තිබූ රට දැන් එක්සේසත් කර ඇතැයි ද දැන් තිබෙන්නේ රට සංවර්ධනය කරා ඉදිරියට ගෙන යැමට බවද ජනාධිපතිවරයා කියා සිටියේය.
ව්යවස්ථා සංශෝධනය පිළිබඳව විපක්ෂය ගෙන යන බොරු මතවාදවලට ගම තුළ ඉඩ නොතබන ලෙස ද නිවැරදි දේ ගැන ජනතාව දැනුවත් කිරීමට පියවර ගන්නා ලෙස ද ජනාධිපතිවරයා මෙහිදී පක්ෂ ක්රියාකාරීන්ගෙන් ඉල්ලා සිටියේය. (Divaina)
Saturday, September 4, 2010
විපක්ෂය කියන තරම් කිසිම භයානක කමක් ව්යවස්ථා සංශෝධනයේ නෑ - ජනාධිපති
Subscribe to:
Post Comments (Atom)
No comments:
Post a Comment