කුළුඳුල් දරුවා බිහි කිරීම සඳහා පොළොන්නරුව මහ රෝහලේ නේවාසිකව සිටි තරුණ මවක්‌ දරුවා ලැබීමෙන් පසු රෝහලෙන් පැන ගොස්‌ ඊයේ (05 දා) අලුයම දුම්රියට පැන සිය දිවි හානිකර ගෙන ඇත.
මෙසේ මිය ගොස්‌ ඇත්තේ මැදිරිගිරිය, වඩිගවැව පදිංචිව සිටි ජයසිංහ පණ්‌ඩිතගේ අනුෂා මාලිනී ජයසිංහ නමැති 26 හැවිරිදි කාන්තාවකි.
මඩකලපුව සිට කොළඹ බලා ධාවනය වන නගරාන්තර රාත්‍රි දුම්රියට හසුවී පොළොන්නරුව ලක්‍ෂඋයන ප්‍රදේශයේදී කාන්තාවක්‌ මිය ගොස්‌ ඇති බවට පොළොන්නරුව පොලිසියට ලැබුණු තොරතුරක්‌ මත පරීක්‍ෂණ මෙහෙයවීමෙන් පසුව මෙම කරුණු අනාවරණය වී තිබේ. කාන්තාව දුම්රියට පැන සිය දිවි නසා ගැනීමට අදාළ නිශ්චිත කරුණු අනාවරණය වී නොමැති අතර ඇය දරුවා ලැබීමෙන් අනතුරුව කිසියම් මානසික ආබාධ තත්ත්වයකින් පසුවී ඇති බව පොලිස්‌ පරීක්‍ෂණවලදී වැඩිදුරටත් හෙළිවී ඇතැයි පරීක්‍ෂණ මෙහෙයවන පොලිස්‌ නිලධාරීහු පවසති.
පොළොන්නරුව පොලිසියේ සුළු පැමිණිලි අංශයේ ස්‌ථානාධිපති පොලිස්‌ පරීක්‍ෂක දුමින්ද ප්‍රනාන්දු මහතාගේ මෙහෙයවීමෙන් වැඩිදුර පරීක්‍ෂණ සිදුකෙරේ. (Divaina)
Subscribe to:
Post Comments (Atom)
No comments:
Post a Comment