අලියා ලකුණ යටතේ පසුගිය මැතිවරණයට තරග කර තේරී පත්වූ සියලුම මන්ත්‍රීවරුන්ගේ ඡන්දය හැකිනම් ව්‍යවස්‌ථා සංශෝධනයට එරෙහිව ලබාදෙන්නැයි එක්‌සත් ජාතික පක්‌ෂයට අභියෝග කරන බව ජනතා විමුක්‌ති පෙරමුණේ ප්‍රධාන ලේකම් ටිල්වින් සිල්වා මහතා ඊයේ (03 දා) පැවැති පුවත්පත් සාකච්ඡාවකදී පැවැසුවේය.
දහඅට වැනි ව්‍යවස්‌ථා සංශෝධනය සම්බන්ධයෙන් මෙම 08 වැනිදා පාර්ලිමේන්තුවේදී ඡන්දය විමසන අවස්‌ථාවේ "අලියා" යටතේ තරග කළ සමස්‌ත මන්ත්‍රීවරුන් විරුද්ධව ඡන්දය ප්‍රකාශ කළොත් ආණ්‌ඩුව පරාජයට පත්වන බවද ටිල්වින් සිල්වා මහතා කීය.
යෝජිත ව්‍යවස්‌ථා සංශෝධනයට එරෙහිව මාධ්‍ය සාකච්ඡා කිහිපයක්‌ හැරෙන්නට එක්‌සත් ජාතික පක්‌ෂය කිසිදු වැඩ කොටසක්‌ මෙතෙක්‌ සිදුකර නැතැයි කී ටිල්වින් සිල්වා මහතා මෙවැනි තත්ත්වයක්‌ තුළදී ව්‍යවස්‌ථාවට එරෙහිව එජාපය සමග ඒකාබද්ධ වී කටයුතු කළ නොහැකි බවද එසේ කළොත් ජවිපෙ විසින් සිදු කරමින් සිටිනු ලබන වැඩපිළිවෙළටද බාධා එල්ල වන බව ප්‍රකාශ කළේය.
Subscribe to:
Post Comments (Atom)
No comments:
Post a Comment