ශ්‍රේෂ්ඨාධිකරණයේ තීන්දුව 7 වැනිදා මැතිසබයට
ආණ්‌ඩුක්‍රම ව්‍යවස්‌ථා සංශෝධනය පිළිබඳ පාර්ලිමේන්තු විවාදය මෙම 08 වැනිදා පමණක්‌ පවත්වා එදිනට ඡන්දය විමසීමට ඊයේ (02 දා) සවස පැවැති පක්‌ෂ නායක රැස්‌වීමේදී තීරණය කර ඇත.
ඒ අනුව 08 වැනිදා (බදාදා) පෙරවරු 9.30 සිට රාත්‍රි 7.00 දක්‌වා ව්‍යවස්‌ථා සංශෝධනය පිළිබඳ විවාදය සහ ඡන්ද විමසීම පැවැත්වේ. ආණ්‌ඩුක්‍රම ව්‍යවස්‌ථා සංශෝධනයට අදාළ ශ්‍රේෂ්ඨාධිකරණයේ තීන්දුව 07 වැනිදා පෙරවරුවේ කතානායක චමල් රාජපක්‌ෂ මහතා විසින් පාර්ලිමේන්තුවට දැනුම් දීමට නියමිතය. ව්‍යවස්‌ථා සංශෝධනය සම්බන්ධව 08 වැනිදා විවාද කර 09 වැනිදා ඡන්දය විමසීමට මින් පෙර තීරණය කර තිබුණද විවාදය හා ඡන්ද විමසීම එකම දිනයක පැවැත්විය යුතු බවට පක්‌ෂ නායක රැස්‌වීමේදී ආණ්‌ඩු පක්‌ෂය ප්‍රකාශ කර ඇත.
දින දෙකකදී නොපවත්වා කාලය දීර්ඝ කර එකම දිනයකදී විවාදය හා ඡන්ද විමසීම සිදුකළ යුතු බව ආණ්‌ඩුව මෙහිදී යෝජනා කර ඇත.
ඒ අනුව 08 වැනිදා ව්‍යවස්‌ථා සංශෝධන විවාදය හා ඡන්ද විමසීම පැවැත්වෙන අතර 07 වැනිදා පස්‌වරු 1.00 සිට 7.00 දක්‌වා හදිසි නීතිය මසකින් දීර්ඝ කිරීමේ යෝජනාවත්, 09 වැනිදා පස්‌වරු 1.00 සිට 7.00 දක්‌වා රජයේ පනත් කෙටුම්පතත් විවාදයට ගැනීමටත් යෝජනා වී ඇත. (Divaina)
Subscribe to:
Post Comments (Atom)
No comments:
Post a Comment