ළඟ එන පළාත් පාලන මැතිවරණයේදී ගුණාත්මක හා ප්‍රමාණාත්මක කාන්තා නියෝජනයක්‌ වෙනුවෙන් ඉඩකඩ වෙන් කරන ලෙස පක්‍ෂ භේදයෙන් තොරව ලංකාවේ සියලුම දේශපාලන පක්‍ෂ වලින් තමා ඉල්ලා සිටින බව මව් ගුණයෙන් යුතු යහපාලනයක්‌ උදෙසා වන ව්‍යාපෘතියේ කළමනාකාරිණී නීතිඥ නිලානි මන්ත්‍රීනායක මහත්මිය පුවත්පත් නිවේදනයක්‌ නිකුත් කරමින් සඳහන් කර සිටී.
එම නීතිඥ මහත්මිය විසින් නිකුත් කළ පුවත්පත් නිවේදනයේ වැඩිදුරටත් මෙසේද සඳහන් වේ.
ශ්‍රී ලංකාවේ ජනගහනයෙන් 53% ක්‌ වන කාන්තාවන්ගෙන් අති බහුතරය, වෙනස්‌කම්වලට ලක්‌වූවන් වනවාට අමතරව පවතින දේශපාලන සංස්‌කෘතියෙන් පිටමං කෙරුණු ජන කොටසක්‌ බව අපි උදක්‌ ම විශ්වාස කරමු. 1948 න් පසු විවිධ දේශපාලන පක්‍ෂ වරින් වර බලයට පැමිණියත් දේශපාලනයේ දී ක්‍රියාත්මක විය යුතු කාන්තා නියෝජනය ගැන ඔවුහු දැක්‌වූයේ අල්ප උනන්දුවකි. මෙය හුදු පුරුෂාධිපත්‍යයික ක්‍රියාවලියකට වඩා එහා ගිය දැනුවත් දේශපාලන තීරණයක්‌ බව අපි විශ්වාස කරන්නෙමු. (Divaina)
Subscribe to:
Post Comments (Atom)
No comments:
Post a Comment