මහින්ද රාජපක්‍ෂ ජනාධිපතිවරයාගේ ඒකාධිපති වියරුව නිසා සංශෝධනය කෙරෙන ආණ්‌ඩුක්‍රම ව්‍යවස්‌ථාවෙන් එහි 17 වැනි සංශෝධනය බල රහිත වී රටේ ප්‍රජාතන්ත්‍රවාදයේ මළගම සිදුවන බව මාතර දිස්‌ත්‍රික්‌ එජාප පාර්ලිමේන්තු මන්ත්‍රී මංගල සමරවීර මහතා පැවැසීය. "ගමින් ගමට - දොරින් දොරට" එජාප ප්‍රතිසංවිධාන කටයුතු ආරම්භ කරමින් ඔහු මාතර වල්පොල ප්‍රදේශයේදී එසේ පැවැසීය. එහිදී තවදුරටත් අදහස්‌ දැක්‌වූ මංගල සමරවීර මහතා මෙසේ ද පැවැසීය.
මෙවැනි ව්‍යවස්‌ථා සංශෝධනය කරන්න ක්‍රම තිබෙනවා. ප්‍රජාතන්ත්‍රවාදී විදියට ජනතාව අතරට ඉදිරිපත් කරන්න පුළුවනි. නමුත් මහින්ද රාජපක්‍ෂ කටයුතු කරන්නේ බෙලිඅත්ත හන්දියේ මැරයෙක්‌ විදියට.
ව්‍යවස්‌ථාව සංශෝධනය කරල විධායක ජනාධිපති ධුරය අහෝසි කරනව කියල ඡන්ද අරගෙන අද ජනතා මතයට පයින් ගහනවා. රාජපක්‍ෂලාගෙ බලය බාප්පලාගෙන් පුතාලටත් ලබාදෙන්නයි මේ කටයුතු කරන්නේ.
හිටපු අමාත්‍ය දයානන්ද වික්‍රමසිංහ මහතා - 1975 දීත් පක්‍ෂයේ ප්‍රතිපත්තිවලට විරුද්ධ වෙච්ච ජිනදාස නියතපාල, රුක්‌මන් සේනානායක, පර්සි විඡේසේකරව පක්‍ෂයෙන් එලෙව්වා. මේ වරප්‍රසාදවලට, නඩුවලින් බේරෙන්න පක්‍ෂය මාරු කරන අය ගහල එලවන්න ඕනෑ. දෙපිටකාට්‌ටු වැඩ කරන අය එදා එජාපයෙ හිටියේ නැහැ. අදටත් හෙටටත් එම ප්‍රතිපත්තිය වලංගුයි.
Subscribe to:
Post Comments (Atom)
No comments:
Post a Comment