රජය ගෙනයනු ලබන ඒකාධිපති වියරුව නතර කර දැමීමට පක්ෂ බේදයෙන් තොරව සියලුම ප්රගතිශීලී බලවේගයන් එක්විය යුතු බව කළුතර දිස්ත්රික් එ.ජා.ප. පාර්ලිමේන්තු මන්ත්රි පාලිත තෙවරප්පෙරුම මහතා පැවසීය.
රක්ෂිත බන්ධනාගාරගතව සිට ඇප මත මුදාහැරීමෙන් පසු ජනතාව විසින් මතුගම නගරයේ සංවිධානය කර තිබූ පිළිගැනීමේ උත්සවයකට එක්වෙමින් හෙතෙම මේ බව කීය. මෙහිදී වැඩිදුරටත් අදහස් දැක්වූ තෙවරප්පෙරුම මහතා මෙසේද කියා සිටියේය.
ඔප්පු කරන්න බැරි චෝදනා එල්ල කර රිමාන්ඩ් කරපු මාව අධිකරණය මගින් අද (20 වැනිදා) ඇපමත මුදාහැරියා. පළාත් සභා මන්ත්රීවරයෙක් විදියට රිමාන්ඩ් එකට ගිය මම එළියට ආවේ පාර්ලිමේන්තු මන්ත්රීවරයෙක් විදියටයි. ජනතාව මගේ නියම ඇපකරුවන් ලෙස ඉදිරිපත් වෙලා හිරේ හිටපු මාව පාර්ලිමේන්තු මන්ත්රිවරයෙක් කළා. මාස 8 කට අධික කාලයක් මාව රිමාන්ඩ් කරල පුළුවන් තරම් වද වේදනාදීලා ආණ්ඩුව පැත්තට නම්මගන්න උත්සහ කළා. ආත්මයක් නැති බඩගොස්තර වාදීන් අපේ ඡන්දයෙන් ගිහින් ආණ්ඩුවට එකතු වුණා. මේ පාලිත තෙවරප්පෙරුම ජීවිතය තිබෙන තුරු එක්සත් ජාතික පක්ෂය හැරයන්නේ නැති බව මම හිරෙන් ඇවිත් අද කියනවා.
හිරේ හිටපු මාව පාර්ලිමේන්තු මන්ත්රීවරයෙක් කළ ජනතාවට මම නැවත වතාවක් ස්තූතිය පළකරනවා. (Divaina)
Showing posts with label Thewarapperuma. Show all posts
Showing posts with label Thewarapperuma. Show all posts
Subscribe to:
Posts (Atom)
